सुदूरपश्चिम खाना महोत्सवः मौलिक स्वाद लिंँदै आगन्तुक - Palikanews.com
Connect with us

विशेष

सुदूरपश्चिम खाना महोत्सवः मौलिक स्वाद लिंँदै आगन्तुक

तिलकराज ओझा (कैलाली)

होटल व्यवसायी सङ्घ कैलालीले आयोजना गरेको ‘प्रथम सुदूरपश्चिम खाना महोत्सव’मा मौलिक खानाका परिकारको स्वाद लिन पाउँदा आगन्तुक हर्षित भएका छन् । सुदूरपश्चिमका मौलिक खानाका परिकारको स्वाद चाख्न पाउँदा पाहुँना हर्षित भएका हुन् ।

बुधबारदेखि धनगढीेमा जारी खाना महोत्सव विश्व नेपाली साहित्य महोत्सव भइरहँदा त्यसमा सहभागी हुन देशका विभिन्न स्थान तथा देश बाहिरबाट आएकाले स्थानीय खानालाई निकै चाखपूर्वक मन पराइरहेको होटल व्यवसायी सङ्घका सचिव आभेष चन्दले जानकारी दिनुभयो । उहाँहरुले पहिलो पटक यहाँका परम्परागत खाना स्वादिष्ट लागेको प्रतिक्रिया दिएको सचिव चन्दको भनाइ छ । महोत्सवमा पाहुनाले यहाँका स्थानीय खानाका परिकारमा गतानी डुब्का, रोटी, माणा, निसौसे, बाबर, बटुक, ढिक्री, अण्डीभातलगायतका परिकारको स्वाद लिइरहेका छन् ।

दैनिकरुपमा करिब एक हजार लिटरको भाडोमा फाडो पाकिरहेको छ । फाडो सुदूरपश्चिमको मौलिक खानाको परिकार हो । फाडोलाई कसरी व्यवसायीकरण गर्न सकिन्छ भन्ने विषयमा अध्ययन गरेर यसलाई ग्राहकले खाने परिकारको रुपमा विकास गर्न दैनिक फाडो पाकिरहेको बताइएको छ ।

यस क्षेत्रको परम्परागत खानपानको विषयमा गहिरो अध्ययन गरिरहनुभएका ‘ग्लोवल नेप्लिज सेफ फेडरेसन’का केन्द्रीय अध्यक्ष लक्ष्मण भण्डारीलगायतको टोलीले फाडोलाई व्यवसायीकरणका लागि काम गरिरहनुभएको छ । ठूला तारे होटेल तथा रेष्टुराँमा यसलाई समावेश गर्न त्यसका लागि आवश्यक पर्ने थप सामान राखेर पनि त्यसको चेकजाँच भइरहेको छ । “फाडोलाई कसरी बजारीकरण गर्न सकिन्छ भनेर त्यसमा प्रतिक्रिया आओस् भनेर दैनिकरुपमा ग्राहकलाई फाडो खुवाइरहेका छौँ”, अध्यक्ष भण्डारीले भन्नुभयो, “ढिडो आज आएर महँगो मूल्यमा बिक्री भइरहेको छ भने यहाँको स्थानीय खाना फाडो किन हुँदैन त ।”

यस क्षेत्रको परम्परागत खानपानको विषयमा गहिरो अध्ययन गरिरहनुभएको भण्डारीलगायत उहाँको टोलीले यहाँका स्थानीय खानाका परिकार पकाउने, हालसम्मकै सबैभन्दा ठूलो आकारको भक्के रोटी पकाउने, सिङ्गै खसीको ‘वारविक्यु’ बनाउनेलगायतका फरक र नयाँ कार्य पनि खाना महोत्सवमा गरिरहनुभएको छ ।

रैथाने खानाका पारखीदेखि आयातीत खाना खान चाहनेका लागि महोत्सवमा व्यवस्था रहेको आयोजक होटल व्यवसायी सङ्घका अध्यक्ष कलम बमले बताउनुभयो । “प्रदेशका नौवटै जिल्लाका परम्परागत खानाका परिकार पस्किएका छौँ”, अध्यक्ष बमले भन्नुभयो, “संस्कार र संस्कृति जोगाउन खाना महोत्सव शुरु गरेका हौँ ।”

यहाँ सञ्चालित ‘विश्व नेपाली साहित्य महोत्सव’सँगै खाना महोत्सवको आयोजना गरेर महोत्सवमा सुदूरपश्चिम प्रदेशको मौलिक खानाका परिकारले पाहुनाको स्वागत गरिरहेको आयोजकको भनाइ छ । परम्परागत खानपानका परिकार मानव स्वास्थका लागि निकै नै लाभदायक, प्राङ्गारिक तथा विषादीरहित छन् भनेर प्रचारप्रसार गर्नु, स्थानीयस्तरमा उत्पादित अर्गानिक खाद्य वस्तुलाई उपभोग गर्ने बानीको विकास गर्नु र नयाँ पुस्तालाई मौलिक खानाका परिकारको विषयका जानकारी गराउनु महोत्सवको उद्देश्य रहेको बताइएको छ । फागुन २० गतेसम्म सञ्चालन हुने खाना महोत्सवमा हरेक दिन बेलुका स्थानीय तथा राष्ट्रिय कलाकारको विविध सांस्कृतिक कार्यक्रम पनि रहनेछन् भने विभिन्न प्रतियोगिता पनि आयोजना गरिन्छन् ।

प्लाष्टिकजन्य वस्तु निषेध

खाना महोत्सवमा प्लाष्टिकजन्य वस्तु निषेध गरिएको छ । वातावरणीय प्रदूषणलाई न्यूनीकरण गर्न महोत्सव क्षेत्रभित्र प्लाष्टिकजन्य वस्तुलाई निषेध गरी सम्पूर्ण खानाका परिकारलाई दुना, टपरी र बोहतामा दिइने व्यवस्था मिलाइएको छ । यसले प्रदूषण न्यूनीकरण गर्न मद्दत पुग्नुका साथै स्थानीयस्तरमा स्थानीय स्रोत साधनको उपयोग गर्दै रोजगारीको सिर्जना हुनेछ भन्ने उद्देश्यले प्लाष्टिकजन्य वस्तु निषेध गरिएको आयोजकको भनाइ छ ।

प्रचारप्रसार

खाना महोत्सव सँगसँगै एउटै मैदानमा सुदूरपश्चिमञ्चल साहित्य समाजको आयोजनामा विश्व नेपाली साहित्य महोत्सव आयोजना भइरहेकाले सुदूरपश्चिमको परम्परागत खानपान, रहनसहन, वेषभूषा, संस्कार र संस्कृतिको सहजरुपमा राष्ट्रिय तथा अन्तर्राष्ट्रियस्तरमा प्रचारप्रसार हुने होटल व्यवसायी सङ्घ कैलालीका अध्यक्ष कलम बमले बताउनुभयो ।

अध्यक्ष बमका अनुसार साहित्य महोत्सवमा आमन्त्रित पाहुनाले प्रदेशका सम्पूर्ण जिल्ला र विभिन्न जातजातिका परम्परागत खानाका परिकारको स्वाद लिने र वेषभूषा, संस्कार र संस्कृति अवलोकन गर्न मिल्नुका साथै विभिन्न सांस्कृतिक कार्यक्रमको मनोरञ्जन लिइरहेका छन् । महोत्सवको माध्यमले यस क्षेत्रको परम्परागत खानपान, रहन सहन, वेषभूषा, संस्कार र संस्कृित उजागर हुनुका साथै आन्तरिक तथा बाह्य पर्यटन प्रवद्र्धन गर्न र नेपाल पर्यटन भ्रमण वर्ष २०२० को लक्ष्य पूरा गर्न सहयोग पुग्ने अपेक्षा आयोजकको छ ।रासस

  •  
  •  
  •  
  •  

Click to comment

Leave a Reply

Your email address will not be published. Required fields are marked *

गण्डकी51 years ago

असिना पानीले आलु बाली नष्ट गरेपछि किसान चिन्तित

शिक्षा / स्वास्थ्य51 years ago

बैशाख महिनाभरि शहरी क्षेत्रका विद्यालय बन्द गर्ने निर्णय

गण्डकी51 years ago

रक्तदान कार्यक्रममा ४४ यूनिट रगत संकलन

मुख्य समाचार51 years ago

ठोस निर्णय नभई सकियो सीसीएमसीको बैठक

मुख्य समाचार51 years ago

सिंहदरबार भित्र सीसीएमसीको बैठक जारी

समाचार51 years ago

एमसीसी पास गर्ने कि नगर्ने संसदलाई अधिकार छ : परराष्ट्रमन्त्री ज्ञवालील

खेलकुद51 years ago

अन्तर्राष्ट्रियको डेब्यु खेलमै भुर्तेको अर्धशतक

मुख्य समाचार51 years ago

एमसीसी सम्झौतालाई अघि बढाउन दलहरुलाई प्रधानमन्त्री ओलीको आग्रह

समाचार51 years ago

हतौडा प्रहार गरी बालकको हत्या गर्ने एक जना पक्राउ

बागमती51 years ago

४१४ औँ हप्ताको वाग्मती सफाइ महाअभियानमा जनप्रतिनिधि र स्थानीय क्लबको सक्रियता

मुख्य समाचार51 years ago

स्वास्थ्यका सुरक्षात्मक उपाय कडाइका साथ पालना गर्न आह्वान

बागमती51 years ago

काठमाडौँ महानगद्धारा करदाता शिक्षा बढाउन सडक नाटक

बागमती51 years ago

राजधानीको व्यस्त सडकमै मञ्च : यातायात अस्तव्यस्त, नागरिकलाई सास्ती

विशेष51 years ago

सुदूरपश्चिम खाना महोत्सवः मौलिक स्वाद लिंँदै आगन्तुक

बागमती51 years ago

सरकारले ल्यायो अर्को अध्यादेश, राष्ट्रपतिले गरिन् जारी

गण्डकी51 years ago

गण्डकी प्रदेशको बजेट समय मै कार्यान्वयन गर्न निर्देशन

मुख्य समाचार51 years ago

नगर प्रमुखको हस्ताक्षर सहितको गोप्य चिट बाहिरीएपछि…

प्रदेश २51 years ago

स्थानीय सरकार: गएगुज्रेको गुजरा मोडल

मुख्य समाचार51 years ago

अर्थमन्त्रीले आफ्नो स्वार्थका लागि विद्युतीय गाडीमा कर लगाएको गगन थापाको आरोप

विशेष51 years ago

बझाङ दुर्घटना : मेयरको रात्री भोजको मदिरा पिएर जेसीभी चलाउदा दुर्घटना भएको खुलासा

मुख्य समाचार51 years ago

कर्णाली नदीमा पानीको बहाब बढेपछि आवतजावतमा समस्या

बागमती51 years ago

बाह्रबिसे नगरपालिका मेयर भन्छन्– ‘भ्रामक समाचारविरुद्ध कानुनी उपचार खोज्छु’

मुख्य समाचार51 years ago

झलनाथ खनाल र भीम रावलले ओलीलाई पठाएको ३१ बुँदे पत्रमा के छ ? (पत्रसहित)

प्रदेश २51 years ago

बटेश्वर गाउँपालिका : सरकारी गाडीमा निजी नम्बर प्लेट

Advertisement