पालिकामा आजका प्रमुख दश समाचार

१) स्थानीय खुशी
संघीयता लागु भएपछि हुम्लाको उत्तरी क्षेत्र लिमीमा स्वास्थ्यकर्मीहरू बस्न थालेपछि स्थानीयहरू खुशी । लिमी स्वास्थ्य चौकी स्थानीय सरकारको मातहतमा आएपछि गाउँमा स्वास्थ्यकर्मीहरुको चहलपहल ।

२) औद्योगिक ग्रामका लागि अवलोकन
तनहुँ जिल्लाको बन्दीपुर गाउँपालिका वडा नम्बर १ भुँडाटारमा औद्योगिक ग्राम स्थापनाकालागि अवलोकन । उद्योग वाणिज्य तथा आपूर्ति मन्त्रालयका सचिवको नेतृत्वमा घरेलु उद्योग विकास समितिका अध्यक्ष सहितको टोलीद्धारा अवलोकन । ‘एक पालिका एक औद्योगिक ग्राम’ बनाउने सरकारको नीति बमोजिम बन्दीपुर गाउँपालिकाले उक्त स्थानमा औद्योगिक ग्राम बनाउन सिफारिस गरेकोले सो स्थलको अवलोकन गरिएको वडाध्यक्ष भानुभक्त पोख्रेलद्धारा जानकारी ।

३) आन्तरीक पर्यटकको चहलपहल
बन्दाबन्दी खुलेसँगै यातायात सञ्चालनमा आएको र अनुकूल मौसम भएको हुँदा इलामका पर्यटकीय स्थाल कन्याम, अन्तु र माइपोखरीलगायतका ठाउँमा आन्तरिक पर्यटकको चहलपहल । स्वस्थ्य मापदण्डको पूर्ण पालना गर्ने गरी सेवा प्रदान भएको होटल व्यवसायीको भनाई । त्यस आसपासका होमस्टे यतिबेला आन्तरिक पर्यटकले भरिभराउ ।

४) नगर गौरव योजना
कञ्चनपुर जिल्लाको शुक्लाफाँटा नगरपालिकाद्धारा पाँच वटा नगर गौरवका योजना चालू आर्थिक बर्षमा कार्यान्वयनमा ल्याउने तयारी । नगरसभाबाट छनोट गरिएका नगर गौरवका योजना कार्यान्वयनका लागि भौतिक पूर्वाधार निर्माणका कार्य शुरु गर्दै ।

५) लालपुर्जा वितरण
बुटवल उपमहानगरपालिकाद्धारा नगरका पुर्जाविहीन करिब ५०० घरपरिवारलाई लालपुर्जा वितरण । त्यस्तै मोतीपुर, सेमलार क्षेत्रलाई बुटवलको नमूना बस्तीका रूपमा विकास गर्ने गरी योजना बनिरहेको नगरप्रमुख शिवराज सुवेदीको भनाई । प्राविधिक टोलीको अध्ययनपछि खेतीयोग्य, आवासयोग्य र खुला क्षेत्रका लागि जग्गा यकिन गर्दै आधुनिक बस्तीका रूपमा विकास गरिने प्रमुख सुवेदी दाबी ।

६) गाउँपालिका अध्यक्षमाथि कुटपीट
बैतडी जिल्लाको सुर्नया गाउँपालिकाको केन्द्रको विषयलाई लिएर गाउँपालिका अध्यक्ष बीरबहादुर बिष्ट माथि कुटपीट । गाउँपालिकाको केन्द्र पबितामा सार्न खोजेको भन्दै स्थानीय आक्रोसीत भएपछि छलफलबाट निष्कर्ष ननिस्किएको भन्दै अध्यक्ष आफैँ बेलुका ताला खोल्नजाँदा झडप । गाउँपालिका अध्यक्ष बिष्टमाथि ढुङ्गा प्रहार भएको र टाउकोमा चोट लागेको प्रहरीद्धारा जानकारी । झडपमा ५ जना प्रहरी र ६ जना स्थानीइ समेत घाइते भएको प्रहरीद्धारा जानकारी ।

७) पोखरा महागनरको सेवा बन्द
पोखरा महागनरपालिकामा कार्यरत केही कर्मचारीलार्ई कोरोना सङ्क्रमण पुष्टि भएपछि महानगरबाट प्रदान गरिने अत्यावश्यक बाहेकका सम्पूर्ण सेवा स्थगित । महानगर प्रमुख मानबहादुर जिसीद्धारा जारी सूचनामा कर्मचारी समेत स्वास्थ्य मापदण्डको कारणले कन्ट्याक्ट ट्रेसिङमा परेकाले महानगरबाट प्रदान गरिने अत्यावश्यक बाहेकका अन्य सेवा अर्को सूचना जारी नगर्दासम्म बन्द गरिएको जानकारी ।

८) मेलम्ची नगरको सेवा बन्द
सिन्धुपाल्चोक मेलम्ची नगरपालिकाको अत्यावश्यक बाहेकका सेवाहरु शुक्रबारदेखी कात्र्तिक ६ गतेसम्मका लागि बन्द । जनप्रतिनिधि र कर्मचारीहरु कन्ट्राक ट्रेसिङमा रहेको र समुदायमा कोरोना संक्रमण फैलिदै गएको भन्दै मेलम्ची नगरपालिका र यसअन्तर्गतका वडा कार्यालयहरुबाट प्रदान गरिने अत्यावश्यक बाहेकका सम्पुर्ण सेवाहरु बन्द गरिएको नगरपालिका प्रमुख डम्बर अर्यालद्धारा जानकारी ।

९) अवैध चाइनीज मदिरा
हुम्लाको सिमकोट बजार क्षेत्रमा दशैं–तिहार लक्षित चाइनिज मदिराको अवैध रुपमा आयात बढ्दै । सिमकोट लाग्नाबाट १५ खच्चरले ९० प्याक भन्दा बढी चाइनिज रक्सी ल्याउँदै गरेको प्राप्त जानकारी । तर जिम्मेवार निकाय भने बेखबर । लाखौँको मदिरा अबैध रुपमा भित्रिँदा स्थानीय निकायहरु बेखबर हुनु आश्चर्यको विषय भएको स्थानीयको भनाई ।
१०) कोरोना अपडेट
पछिल्लो २४ घण्टामा थप ३ हजार ७ सय ४९ जनामा कोरोना संक्रमण पुष्टि, ३ हजार ५ सय ६४ डिस्चार्ज । हालसम्म देशभर ३६ हजार ५ सय ३३ संक्रिय संक्रमित रहेको स्वास्थ्य मन्त्रालयद्धारा जानकारी ।