गोरखामा एकै परिवारका तीनजना घरभित्रै मृत फेला

गोरखाको एक गाउँमा एकै घरपरिवारका तीनजना सदस्य घरभित्रै मृत अवस्थामा फेला परेका छन् । जिल्लाको सुलिकोट गाउँपालिका वडा नम्बर १ मा एकै परिवारका तीनजनाको घरभित्रै शव फेला परेको जिल्ला प्रहरी कार्यालय प्रहरी प्रमुख सुरेन्द्र गुरुङले जानकारी दिनुभयो ।

उहाँका अनुसरा ८४ वर्षीय तीलबहादुर गुरुङ, उनकी बुहारी २१ वर्षीया आईतकुमारी गुरुङ र नातिनी नाता पर्ने १२ वर्षीया उषा गुरुङ घर भित्र मृतअवस्थामा फेला परेका हुन ।

‘सोमबार बिहान अबेरसम्म ढोका नखुलेपछि छिमेकीहरु आएर हेर्दा शव देखेको र प्रहरीलाई खबर गर्नासथ प्रहरीको टोलि घट्नास्थल गईसकेपछि शवको चेकजाच गर्दा मृतक तीनैजनाको मुखबाट फिज निस्केको थियो’ प्रहरी प्रमुख गुरुङले बताउनुभयो ।

‘घटनाबारे थप अनुसन्धान भइरहेको’ र शव पोष्टमार्टमको लागि जिल्ला अस्पताल ल्याईएको छ’ उहाँले बताउनुभयो ।