अनुदानले तनहुँका किसान उत्साहित - Palikanews.com
Connect with us

गण्डकी

अनुदानले तनहुँका किसान उत्साहित

दमौली- तनहुँका स्थानीय तहले व्यावसायिक रुपमा पशुपालन गर्दै आएका किसानका लागि अनुदानको व्यवस्था गरेपछि उनीहरु उत्साहित हुन थालेका छन् । बाख्रा, गाई, भैँसीपालन गर्दै आएका किसानलाई स्थानीय सरकारले अनुदानको व्यवस्था गरेपछि उनीहरु यसतर्फ आकर्षित भएका हुन् ।

शुक्लागण्डकी नगरपालिका–१२ ले व्यावसायिक रुपमा बाख्रापालन गरेका किसानलाई रु ६ लाख अनुदान उपलब्ध गराएको छ । बाख्रापालनमा लागेका किसानलाई प्रोत्साहन गर्न वडा कार्यालयले अनुदान उपलब्ध गराएको हो । फिरफिरेका १७ जना बाख्रापालक किसानलाई उक्त रकम वितरण गरिएको वडाध्यक्ष मनराज गुरुङले जानकारी दिनुभयो ।

ढोर लाकुरीबोट, लाकुरीबोट, भोर्ले, बाँबियोडाँडा, बराहडाँडा र जसपुर टोलका किसानले अनुदानबापतको रकम बुझेका छन् । रु एक लाख र रु ५० हजार एक-एक जनाले प्राप्त गरेका छन् । १५ जना किसानलाई रु ३० हजारका दरले अनुदान वितरण गरिएको छ । सबै किसानको बैंक खातामा उक्त रकम पठाइएको वडाध्यक्ष गुरुङले जानकारी दिनुभयो । “बाख्रापालनलाई व्यावसायिक बनाएर किसानलाई आत्मनिर्भर बनाउन अनुदान उपलब्ध गराएका हौं,” उहाँले भन्नुभयो, “वडामा भौतिक पूर्वाधार र उत्पादनलाई समान दृष्टिले अगाडि बढाएका छौ ।” भौतिक पूर्वाधारले मात्रै समृद्धिको सपना पूरा नहुने भएकाले समृद्ध बन्न उत्पादन बढाउन आवश्यक रहेको उहाँको भनाइ छ ।

अनुदान उत्पादनमुखी भए नभएको वडाले अनुगमन गर्ने गरेको छ । अनुदान वितरणका लागि मापदण्डसमेत बनाइएको छ । खोरको अवस्था, बाख्राको सङ्ख्या, घाँसको व्यवस्थापनलाई आधार मानेर अनुदान वितरण गरिएको गुरुङले बताउनुभयो । “अनुदान प्राप्त गरेपछि कम्तीमा पनि पाँचवर्ष बाख्रापालनमा लाग्नुपर्ने सम्झौता गरेका छौं” उहाँले भन्नुभयो ।

वडाले अनुदान उपलब्ध गराएपछि बाख्रापालक किसान उत्साहित छन् । लाकुरीबोटका आशमान गुरुङले ११ वर्षसम्म वैदेशिक रोजगारीमा बसेर गाउँ फर्किएपछि बाख्रापालन सुरु गर्नुभएको थियो । मलेसियाबाट छुट्टीमा घर आउनुभएका उहाँ गत वर्षको निषेधाज्ञापछि विदेश फर्किनुभएन । त्यसपछि उहाँले व्यावसायिक रुपमा बाख्रापालन सुरु गर्नुभयो । दृढ सङ्कल्पका साथ गाउँमै बोयर बाख्रा पाल्न सुरु गर्नुभएका उहाँले बाख्रापालनमा रु २० लाख लगानी गर्नुभएको छ । उहाँको हाल ४० बाख्रा छन् । बाख्रापालनमा आशमानको मेहनत देखेर वडाले उहाँलाई रु एक लाख अनुदान दिएको छ । “गत आर्थिक वर्षको बजेटबाट हालै दिइएको यो रकमले बाख्रापालनमा निरन्तर लाग्न प्रेरित गरेको छ”, उहाँले भन्नुभयो, “अनुदानले व्यवसाय विस्तारमा हौसला थप्यो ।” अनुदानसँगै उत्पादनको बजारीकरण र मूल्यको सुनिश्चितता भए अझै सहज हुने उहाँको भनाइ छ ।

एक दशक वैदेशिक रोजगारीमा बिताएर फर्किएका युवा जीवन हमालले विगत ६ महिनादेखि बाख्रापालन गरिरहनुभएको छ । उहाँका गोठभरी बाख्रा छन् । बाख्रापालनमा प्रोत्साहन गर्न वडाले उहाँलाई रु ५० हजार अनुदान दिएको छ । “यो रकमले लगानीमै टेवा पु¥याउने त होइन । तर, हौसला मिल्छ”, उहाँले भन्नुभयो, “अनुदानसँगै प्राविधिक ज्ञान, नश्ल सुधार, घाँसको बिरुवा, बजार व्यवस्थापनमा सहयोग गरिदिए ठूलो राहत मिल्छ ।” जिल्लाको बन्दिपुर गाउँपालिकाले दूध उत्पादनमा अनुदान दिने कार्यक्रम सञ्चालन गरेपछि यहाँका किसान पनि पशुपालनमा आकर्षित भएका छन् । गाउँपालिकाले आर्थिक वर्ष २०७६÷७७ देखि उत्पादनका आधारमा दूधमा अनुदान दिने कार्यक्रम सञ्चालन गरेपछि किसान पशुपालनतर्फ आकर्षित भएका हुन् । सहकारीमार्फत् दूध बिक्री गर्ने किसानलाई प्रोत्साहन गर्न प्रतिलिटर रु एक अनुदान दिइएको गाउँपालिकाका अध्यक्ष पूर्णसिं थापाले बताउनुभयो ।

गाउँपालिकाले दूध उत्पादन गर्ने किसानलाई रु २० लाख भन्दा बढी अनुदान रकम वितरण गरिसकेको छ । “गत वर्षदेखि सुरु भएको अनुदान दिने कार्यक्रमलाई प्रत्येक वर्ष निरन्तरता दिन्छौं, यसले किसानलाई पशुपालनतर्फ आकर्षित गर्न सहयोग पु¥याएको छ”, उहाँले भन्नुभयो, “साथै गाउँपालिकालाई दूधमा आत्मनिर्भर बनाउन पनि मद्दत पुग्छ ।” बन्दिपुर गाउँपालिका–१ स्थित सूर्योदय दुग्ध उत्पादक सहकारी र बन्दिपुर गाउँपालिका–५ स्थित याम्पा दुग्ध उत्पादक सहकारी संस्थामा आवद्ध किसानले उत्पादनका आधारमा अनुदान रकम पाउँदै आएका छन् । सहकारीमार्फत् दूध बिक्री गर्ने किसानलाई उत्पादनका आधारमा रु एकका दरले अनुदान दिने गरिएको गाउँपालिकाका पशु शाखा प्रमुख मधुविलास न्यौपानेले जानकारी दिनुभयो ।

उत्पादनका आधारमा दिइने अनुदानका कारण गत वर्षभन्दा यसवर्ष दूध उत्पादनमा वृद्धि आएको छ । दूधमा अनुदान पाउनुभएका किसान भोजराज पराजुलीले अनुदान दिने व्यवस्थाले पशुपालन गर्ने किसानलाई सहयोग पुगेको बताउनुभयो । “गाईपालनमा ठूलो लगानी गरेका छौं, दूध उत्पादनमा अनुदान दिने व्यवस्थाले यसतर्फ लागिरहन प्रेरणा दिन्छ”, उहाँले भन्नुभयो । भकारो सुधारका लागि अनुदान गाउँपालिकाले भकारो सुधारका लागि १९ जना किसानलाई रु दुई लाख ५२ हजार वितरण गरेको छ ।

नेपाल लाइभस्टक सेक्टर इनोभेसन आयोजनामार्फत् १९ किसानलाई प्रति पशु रु चार हजार ८०० का दरले अनुदान वितरण गरिएको हो । सबैभन्दा बढी पाउनेले रु १९ हजार दुई सय र कम पाउनेले रु नौ हजार ६०० बुझेका छन् । गाउँपालिकाभित्रका चार वटा समूहमा आबद्ध भएका किसानलाई भकारो सुधारका लागि अनुदान दिइएको छ । यस्तै गाउँपालिकाले गाईभैँसी, कुखुरा, खरायोपालक ६४ जना किसानलाई पनि अनुदान रकम वितरण गरेको छ । बाख्रा पकेट क्षेत्र विकासका लागि बन्दीपुर गाउँपालिका–१ का किसानलाई गाउँपालिकाले घाँसको बिरुवा र खोर सुधारका लागि सहयोग गर्दै आएको छ । उक्त वडालाई पाँच वर्षमा बोयर तथा स्थानीय खरी जातका बाख्राको स्रोतकेन्द्रको रुपमा विकास गर्ने लक्ष्य लिइएको वडाध्यक्ष भानुभक्त पोख्रेलले जानकारी दिनुभयो ।

राससबाट

Click to comment

Leave a Reply

Your email address will not be published. Required fields are marked *

समाचार52 years ago

गुण एयरलाइन्सको विद्युतीय बस सञ्चालनमा

समाचार52 years ago

आइक्यानको अध्यक्षमा युद्धराज ओली

समाचार52 years ago

केन्द्रीय विद्युत् प्रसारण लाइनमा जोडिँदैछ भोजपुर

समाचार52 years ago

असोज ४ गतेदेखि भेरोसेल मात्रा खोप

समाचार52 years ago

दिपायल बिमानस्थल सञ्चालनमा

समाचार52 years ago

फरार अभियोगी १५ बर्षपछि पक्राउ

समाचार52 years ago

नक्कली नोटसहित दुई भारतीय पक्राउ

समाचार52 years ago

रडले हानेर हत्या

समाचार52 years ago

हनुमानढोका दरबार क्षेत्रमा इन्द्रध्वजोत्थान, देवी नाच शुरु

समाचार52 years ago

कांग्रेस काठमाडौँको वडा अधिवेशन असोज ५ मा हुने

समाचार52 years ago

परिवार नियोजन सङ्घद्वारा ‘आइभिएफ’ क्लिनिक सञ्चालनको तयारी

समाचार52 years ago

नेपाल अमेरिकासँग पराजित

विशेष52 years ago

सुदूरपश्चिम खाना महोत्सवः मौलिक स्वाद लिंँदै आगन्तुक

बागमती52 years ago

राजधानीको व्यस्त सडकमै मञ्च : यातायात अस्तव्यस्त, नागरिकलाई सास्ती

बागमती52 years ago

सरकारले ल्यायो अर्को अध्यादेश, राष्ट्रपतिले गरिन् जारी

गण्डकी52 years ago

गण्डकी प्रदेशको बजेट समय मै कार्यान्वयन गर्न निर्देशन

मुख्य समाचार52 years ago

नगर प्रमुखको हस्ताक्षर सहितको गोप्य चिट बाहिरीएपछि…

मुख्य समाचार52 years ago

अर्थमन्त्रीले आफ्नो स्वार्थका लागि विद्युतीय गाडीमा कर लगाएको गगन थापाको आरोप

प्रदेश २52 years ago

स्थानीय सरकार: गएगुज्रेको गुजरा मोडल

मुख्य समाचार52 years ago

कर्णाली नदीमा पानीको बहाब बढेपछि आवतजावतमा समस्या

विशेष52 years ago

बझाङ दुर्घटना : मेयरको रात्री भोजको मदिरा पिएर जेसीभी चलाउदा दुर्घटना भएको खुलासा

पालिका52 years ago

४६० – गाउँपालिका

बागमती52 years ago

नगरपालिका क्षेत्रका कृषकले आलु उत्पादनमा २२ करोड रुपियाँ

बागमती52 years ago

बाह्रबिसे नगरपालिका मेयर भन्छन्– ‘भ्रामक समाचारविरुद्ध कानुनी उपचार खोज्छु’

Advertisement