काठमाडौं – रसुवाको भोटेकोशी नदीमा १० भदौमा आएको विनाशकारी बाढीमा परी बेपत्ता भएकामध्ये हालसम्म १ हजार ११४ जनाको शव फेला परेको छ ।
राष्ट्रिय विपद् जोखिम न्यूनीकरण तथा व्यवस्थापन प्राधिकरणले बिहान ९ बजे सार्वजनिक गरेको विपद् बुलेटिनअनुसार बाढीमा परी बेपत्ता भएकामध्ये उक्त संख्यामा मानिस मृत फेला परेका हुन् ।
प्रहरीका अनुसार रसुवामा ४१, नुवाकोटमा १५५, धादिङमा ५९, चितवनमा ३४८, गोरखामा ६६, तनहुँमा ३८, नवलपरासी पूर्वमा २१७ र नवलपरासी पश्चिममा १९० जनाको शव फेला परेको छ ।
प्राधिकरणका अनुसार अझै ३ हजार ९१६ जना सम्पर्कविहीन छन् । बाढीमा परी २९२ जना घाइते भएका छन् ।
यसैगरी, बाढी प्रभावित विभिन्न क्षेत्रबाट हालसम्म ११ हजार ९९३ जनाको उद्धार गरिएको प्राधिकरणले जनाएको छ ।
भोटेकोशीमा आएको बाढीबाट रसुवा, नुवाकोट, धादिङलगायतका जिल्लामा ठूलो जनधनको क्षति भएको थियो । बाढीपछि बेपत्ता भएकाहरूको खोजी तथा उद्धार कार्यलाई निरन्तरता दिइएको छ ।
