काठमाडौं, माघ १५ गते । म्यानचेष्टर युनाइटेड एफए कप फुटबलको पाँचौं चरणमा प्रवेश गरेको छ ।
शनिबार राति भएको खेलमा कासेमिरोको दुई गोल मद्दतमा युनाइटेडले रिडिङलाई ३–१ ले हरायो । घरेलु मैदानमा कासेमिरोले ५५औं र ५८औं मिनेटमा गोल गरेमा थिए । यस्तै फ्रेडले ६८औं मिनेटमा गोल थपे ।
रिडिङका लागि अमाडोउ एममेनगुएले ७२औं मिनेटमा सान्त्वना गोल फर्काए ।
रिडिङका एन्डी क्यारोल ६५औं मिनेटमा रातोकार्ड पाउँदै मैदान बाहिरिएका थिए ।
प्रिमियर लिष क्लबहरु टोटनहम, लेस्टर सिटी र लिड्स युनाईटेड पनि विजयी हुँदै पाँचौं चरणमा प्रवेश गरेका छन् ।
