स्वास्थ्य जीवनको लागि समर्पित ॐ समाज डेन्टल हस्पीटल दॉतको उपचारमा मात्र संलग्न नभएर बिभिन्न सामाजिक कार्यहरूमा सरिक हुदै आई रहेको छ। पछिल्लो चरण भने ॐ समाज डेन्टल हस्पीटल धार्मिक अनुष्ठान कार्यमा पनि सक्रिय हुन थालेको छ। इन्द्र अन्नपुर्ण योगा तथा लायान्स क्लब अफ काठमाडौं , ॐ समाज डेन्टल हस्पीटल नैकाप र श्री बैकुण्ठनाथ दिब्यधाम को आयोजनामा काठमाडौं जिल्लाको चन्द्रागिरि नगरपालिका- १४ नैकाप स्थित ॐ समाज डेन्टल हस्पीटल को प्रांगणमा पुरुषोत्तम मास महोत्सवको अबसर पारेर श्रीमद्भागवत सप्ताह ज्ञान महायज्ञ आयोजना भई रहेको छ।
उक्त महायज्ञमा श्री बैकुण्ठनाथ दिव्यधामका मठाधीष श्री १००८ स्वामी भागवताचार्य महराजले कथा बाचन गर्नु हुने जानकारी ॐ समाज डेन्टल हस्पीटलका प्रमुख तथा यस महायज्ञ प्रचार प्रसार संयोजक डा. सुभाष कुमार घिमिरेले बताउनु भयो। संघीय सांसद माननीय कृष्ण गोपाल श्रेष्ठले धार्मिक स्थल मोत्छेनारायण देखि धार्मिक विधि पूर्वक यहि श्रावण २ गते शोभा यात्राको उद्धाटन गरि शुरू भएको महायज्ञ यहि श्रावणको ८ गते सम्म चल्ने पनि उहॉले जानकारी दिनु भयो। साथै हरेक दिन दिउॅसो १ बजे देखि ४ बजे सम्म चल्ने कथा बाचन कार्यक्रमको उद्धाटन प्रदेश सभा सदस्य माननीय केशब पोखरेल ले गर्नु भएको पनि संयोजक डा.घिमिरेले बताउनु भयो।
हामी स्वास्थ्य क्षेत्रमा त सक्रिय नै छौ स्वास्थ्य मात्र नभएर मानसिक र आत्मको पनि पुर्ण शुद्धता होस भन्ने कामना सहित यस खाले धार्मिक सामाजिक र सांस्कृतिक कार्यमा पनि लागेको ओम समाज डेन्टल हस्पीटलका प्रमुख तथा कार्यक्रम प्रचार प्रसार संयोजक डा घिमिरेले बताउनु भयो। पुरुषोत्तम मासको समयमा यस खाले अनुष्ठान गरेरमा भक्तजनहरूलाई थप पुन्य र ज्ञान प्राप्त हुने हुँदा यो महायज्ञ गरिएकोले सबै भक्तजनलाई आयोजक संस्थाहरू र ऑफ्नो व्यक्तिगत तर्फ बाट पनि निमन्त्रणा गर्न चाहेको उहॉले बताउनु भयो।
