काठमाडौँ, – नेपाल स्टक एक्सचेन्ज (नेप्से) ले मार्जिन कारोबारका लागि योग्य १२३ कम्पनीहरूको नयाँ सूची सार्वजनिक गरेको छ।

सूची अनुसार वाणिज्य बैंक, विकास बैंक, फाइनान्स, लघुवित्त, बीमा, जलविद्युत्, होटल र अन्य समूहका कम्पनीहरू मार्जिन कारोबारका लागि योग्य ठहर भएका छन्। वाणिज्य बैंकतर्फ कृषि विकास बैंक, नबिल बैंक, ग्लोबल आइएमई बैंक रहेका छन् भने विकास बैंकतर्फ मुक्तिनाथ विकास बैंक र गरिमा विकास बैंक सूचीमा समावेश छन् ।

नेप्सेले फाइनान्स र लघुवित्त समूहका ४६ कम्पनी, जीवन र निर्जीवन बीमा समूहका २२ कम्पनी, जलविद्युत् समूहका २८ कम्पनीलाई योग्य ठहर गरेको छ।

विश्लेषकका अनुसार, सूचीमा रहेका कम्पनीमार्फत मार्जिन कारोबार सुरु हुँदा बजारमा तरलता बढ्ने सम्भावना छ। तर, लगानीकर्ताले उच्च जोखिमको पहिचान गरी मात्र मार्जिन कारोबार गर्न सल्लाह दिइएको छ।

नेप्सेले यो सूची मार्जिन कारोबार सुविधा सम्बन्धी कार्यप्रक्रिया, २०८२ को दफा ९(१) अनुसार लगानीकर्ताको जानकारीका लागि सार्वजनिक गरेको हो।