काठमाडौँ — राष्ट्रपति रामचन्द्र पौडेलले संघीय संसद् बैठक आह्वान गरेका छन् ।
मंगलबार बसेको मन्त्रिपरिषद् बैठकको सिफारिसका आधारमा राष्ट्रपति पौडेलले वैशाख १७ गते बिहीबार दिउँसो २ बजेका लागि दुवै सदनको अधिवेशन बोलाएका हुन् ।
यो अधिवेशन बजेट अधिवेशनका रूपमा रहेको छ । संवैधानिक व्यवस्थाअनुसार सरकारले प्रत्येक वर्ष जेठ १५ गते आगामी आर्थिक वर्षको बजेट संसद्मा प्रस्तुत गर्नुपर्ने हुन्छ ।
यसअघि संसद्मा प्रि–बजेट छलफल समेत सञ्चालन हुने प्रचलन रहेको छ, जसमा सरकारको आगामी बजेटका प्राथमिकता र नीतिबारे व्यापक बहस हुने गर्दछ ।
