ललितपुरको बंगलामुखी मन्दिर नजिकै कुम्भेश्वरस्थित एक घरमा आज बिहान नौ बजेतिर आगलागी भएको छ ।

भुइँतलामा मेडिकल पसल र खाजा तथा मिठाइ पसलहरु रहेको घरको सबैभन्दा माथिल्लो तलामा आगलागी भएको हो र ललितपुर महानगरपालिकाको दमकल र नगर प्रहरीसहितको टोलीको सहयोगमा आगो नियन्त्रणमा लिइएको छ ।

ललितपुरको महानगर प्रहरी प्रमुख सिताराम हाछेथुले २५ जना नगर प्रहरी, ३ वटा दमकल र एउटा पानी ट्यांकरको सहयोगमा आगो नियन्त्रणमा लिइएको हो । आगलागीबाट भएको क्षतिको विवरण खुलिसकेको छैन ।