लुम्बिनी प्रदेशसभा बैठक आज पनि बस्दै

रुपन्देही  —  लुम्बिनी प्रदेशसभाको पाँचौँ अधिवेशनको आठौँ बैठक आज दिउँसो एक बजे बस्दै छ ।

प्रदेशसभा सचिवालयले प्रकाशन गरेको सम्भावित कार्यसूची अनुसार बैठकलाई विपक्षी दलका नेता जोखबहादुर महराले विशेष सम्बोधन गर्दैछन् ।

यस्तै बैठकमा मुख्यमन्त्री चेतनारायण आचार्यले शासकीय सुधार र सुशासन सम्बन्धमा भए गरेका उल्लेखनीय प्रगति सम्बन्धी वार्षिक प्रतिवेदन, २०७९/०८० सभामा पेश गर्ने कार्यसूची तय भएको प्रदेश सभा सचिव दुर्लभ कुमार पुन मगरले जानकारी दिए ।