काठमाडौं । पेट्रोलियम पदार्थको मूल्य वृद्धि हुनुमा सरकारको भूमिका नरहेको प्रधानमन्त्रीको सचिवालयले जनाएको छ । प्रधानमन्त्रीकी प्रमुख स्वकीय सचिव गंगा दाहालले मूल्यवृद्धिको चर्को विरोधको जवाफ दिँदै यसमा सरकारको हात नरहेको बताउनुभयो ।
दाहालले प्रधानमन्त्रीको सचिवालयका तर्फबाट जवाफ दिँदै अन्तर्राष्ट्रिय बजार मूल्यअनुसार स्वचालित प्रणालीअन्तर्गत मूल्य निर्धारण हुने र यसमा सरकारको भूमिका नहुने दाबी गर्नुभयो ।
दाहालले भन्नुभयो, ‘पेट्रोलियम पदार्थको मूल्य अन्तर्राष्ट्रिय बजार मूल्य अनुसार स्वचालित प्रणालीअन्तर्गत निर्धारण हुने गर्दछ, यसमा सरकारको भुमिका नहुने र अन्तर्राष्ट्रिय बजारमा स्वचालितरूपमा मूल्य बढ्दा मूल्य वृद्धि हुने र मूल्य घट्दा घट्ने बताउनुभयो । उहाँले १ आशा गरौं चाडपर्वको मुखमा मूल्यवृद्धिको कारण जनताको असुविधाप्रति पक्कै सरकारले केही राहत दिने बताउनुभयो ।
उहाँले सरकारले केही राहतको कार्यक्रम ल्याउने आश्वासनसमेत दिनुभएको छ । सरकारले यसबीचमा पटकपटक मूल्यबृद्धि गर्दा जनताले चुल्हो बाल्न नसक्ने अवस्था आएको छ । खाना पकाउने ग्यास र पेट्रोलियमात्र होइन दैनिक उपभोग्य वस्तुको मूल्यसमेत तेब्बरसम्म वृद्धि भएको छ ।
