ललितपुर, मंसिर १४ गते ।
लैङ्गिक हिंसा विरुद्धको १६ दिने अभियान देशभर चलिरहको छ । संघ, प्रदेश र स्थानीय तहहरुमा विभिन्न कार्यक्रम गरि अभियान मनाइँदै छ । हरेक वर्ष नोभेम्बर २५ देखि डिसेम्बर १० सम्म विश्वभर मनाइने लैङ्गिक हिंसा विरुद्धको सो अभियान महालक्ष्मी नगरपालिकाले पनि मनाइरहेको छ ।
लैङ्गिक हिंसा अन्त्यको सुनिश्चितता : महिला र बालबालिकामा लगानीको एकबद्धताू भन्ने नाराका साथ लैङ्गिक हिंसा विरुद्ध नगरपालिकाले गत मंसिर १० गते नगरपालिकाकाे सभाहलबाट सुभारम्भ गरेकाे थियाे । साे अभियान नगरपालिकाका सबै जनप्रतिनिधि, कर्मचारीकाे सहभागितामा गरिएकाे थियाे ।
लैङ्गिक हिंसा विरुद्धकाे १६ दिने अभियानकाे अबसरमा नगरपालिकाका सबै वडामा विभिन्न कार्यक्रम गरिरहेको नगर उपप्रमुख लक्ष्मी महर्जनले जानकारी दिनुभयाे ।
नगरपालिकाले बिहीबार पनि वडा नम्बर ४ मा जनचेतनामुलक कार्यक्रम आयोजना गरेको छ । नगर प्रमुख हरिगोविन्द श्रेष्ठको अध्यक्षतामा कार्यक्रम आयोजना गरिएको थियो ।
उपप्रमुख महर्जनका अनुसार १० मंसिरमा वडा नं। १ बाट सुरु गरिएको सो कार्यक्रम ११ गते वडा नं। २ मा गरिएको थियो भने १२ गते वडा नं। ३ मा गरिएको थियो । अभियान अवधिमा नगरपालिकाका १० वटै वडामा जनचेतनामुलक कार्यक्रम गरिने उनको भनाइ ५ ।
कार्यक्रममा जनप्रतिनिधिसँगै अधिकारकर्मी, संघसस्थाका प्रतिनिधि तथा सरकारी कर्मचारीहरूको सहभागिता रहने गरेको छ । लैङ्गिक हिंसा विरुद्धकाे १६ दिने अभियानकाे अन्तीम दिन वडा नम्बर ८ काे लुगु स्थित सामुदायीक भवनमा सबै जनप्रतिनिधि, कर्मचारी, महिला अधिकारकर्मी, संघसस्थाका प्रतिनिधिहरूकाे सहभागितामा कार्यक्रम गिर सम्पन्न गरिने उपप्रमुख महर्जनले जानकारी दिनुभयाे ।
तस्विर : लक्ष्मी महर्जन : उपप्रमुख, महालक्ष्मी नगरपालिका ललितपुर
