![](https://www.palikanews.com/wp-content/uploads/2023/05/Turikhel.jpg)
काठमाडौँ, जेठ १५ गते । काठमाडौंको टुँडिखेलमा विविध कार्यक्रम आयोजना गरी १६औं गणतन्त्र दिवस मनाइएको छ । नेपाली जनताको लामो बलिदान र संघर्षको उपलब्धिका रूपमा डेढ दशकदेखि यो दिवस मनाइने गरिएको छ । राष्ट्रपति रामचन्द्र पौडेलको समुपस्थितिमा काठमाडौंको टुँडिखेलस्थित सैनिक मञ्चमा गणतन्त्र मूल समारोह समितिद्वारा आजै बिहान विशेष समारोह आयोजना गरी गणतन्त्र दिवस भव्य रुपमा मनाइएको हो ।
![](https://i0.wp.com/www.palikanews.com/wp-content/uploads/2023/05/dsgewhgahg.jpg?resize=1200%2C639&ssl=1)
सोही दिवसका उपलक्ष्यमा राष्ट्रपति, उपराष्ट्रपति, प्रधानमन्त्री, सभामुख, राष्ट्रियसभा अध्यक्षलगायत विभिन्न राजनीतिक दलका प्रमुखले गणतन्त्र दिवसका अवसरमा स्वदेश तथा विदेशमा रहेका सम्पूर्ण नेपाली दिदीबहिनी तथा दाजुभाइमा हार्दिक बधाई तथा शुभकामना व्यक्त गर्नुभएको छ । उहाँहरूले गणतन्त्र स्थापनाको आन्दोलनमा जीवन उत्सर्ग गर्ने सहिदप्रति भावपूर्ण श्रद्धाञ्जलि अर्पण गर्नुभएको छ ।
![](https://i0.wp.com/www.palikanews.com/wp-content/uploads/2023/05/PRO_KTM_GANATANTRADIWAS_6F8A20812.jpg?resize=1024%2C550&ssl=1)
विसं २०६२/६३ को ऐतिहासिक जनआन्दोलनका माध्यमबाट मुलुकमा राजतन्त्रको अन्त्य गरी गणतन्त्र स्थापना भएको थियो । तत्कालीन सात राजनीतिक दल र नेकपा (माओवादी) बीच भएको सहमतिअनुसार विसं २०६४ चैत २८ गते ऐतिहासिक संविधानसभाको निर्वाचन भयो । विसं २०६५ जेठ १५ गते संविधानसभाको प्रथम बैठकले दुई सय ४० वर्षदेखि कायम रहेको शाहवंशीय राजतन्त्र अन्त्य गर्दै गणतन्त्र घोषणा गरिएको थियो ।
![](https://i0.wp.com/www.palikanews.com/wp-content/uploads/2023/05/PRO_KTM_GANATANTRADIWAS_6F8A2111.jpg?resize=1024%2C541&ssl=1)
![](https://i0.wp.com/www.palikanews.com/wp-content/uploads/2023/05/PRO_KTM_GANATANTRADIWAS_TUNDIKHEL-6F8A2116.jpg?resize=1024%2C555&ssl=1)
![](https://i0.wp.com/www.palikanews.com/wp-content/uploads/2023/05/PRO_KTM_HELICOPTER-6F8A2129.jpg?resize=1024%2C503&ssl=1)
![](https://i0.wp.com/www.palikanews.com/wp-content/uploads/2023/05/PRO_KTM_PRACHANDA_6F8A2304.jpg?resize=1024%2C582&ssl=1)
![](https://i0.wp.com/www.palikanews.com/wp-content/uploads/2023/05/PRO_KTM_SECURITYLEASDES_6F8A2087.jpg?resize=1024%2C545&ssl=1)